Cuschina & Localitat

In quists prüms sessanta ons bleras persunas cuntschaintas sun stattas sco giasts a l’hotel Bellavista. Tanter oter Marlene Dietrich, Yehudi Menuhin, Hans Albert Einstein (il figl dad Albert Einstein), Margrit Rainer, Ruedi Walter e blers oters plü. Dafatta il prinzi Charles es stat in visita pro giasts dal 1963. Chi sà sch’el s’algorda?

A bunura cullaziun cun üna vista pompusa e la saira pizza da giavüsch

Cumanzai il di cun nos buffet da culaziun sülla terrassa da lain cun vista sül muond alpin.

Giast externs sun adüna bainvgnüts.

nossa culaziun es vasta, cun blers prodots fat in chasa o regiunals.
A partir da las 17.00 es averta nossa Pizzaria. Dasper las pizzas sün giavüsch spordschaina eir „Flammkuchen“, salata dal buffet, schoppa dal di, liongias o üna variaziun da Hamburgers.

BUN APETIT

Nos hotel

Nos hotel drizzad’aint modestamaing spordscha plazza per 50 persunas. A disposiziun stan chombras dublas, chombras da familia e 2 suitas da 46m2, tuottas cun üna duscha o bogn e tualetta.

Ot da nossas 16 chombras han ün balcun cun „bella-vista“ sur la val. Las duos suitas han ün balcun cun sulai da la saira.
Il local da lain cun access direct gion üert, chi’d es gnü fabrichà dal 2008, vaina drizzà aint sco „Lounge“ cun blera plazza per giovar, leger ed as divertir. La terrassa cuvernada in fuorma üert d’inviern cun grondiusa vista sül muond alpin invida da restar.

Nouv vaina eir ün lift pitschen per transportar voss bagagl o manar vossas chommas stanglas ün o duos plans plü ot.

Aint il Restaurant vaina 3 locals, la stüva da dschember cun lö per ca 25 persunas, la stanza da sezzüda o da gruppas cun lö per ca 16 persunas, ideal per festagiar ün aniversari o mangiar in gruppa ün „pizza potpourri“, e la sala prinzipala culla „Bellavista“. Quia esa lö per ca 60 persunas.

Il conzept simpel e persunal es fat per familias, turists activs e gruppas